Vol 13. പുതിയ ജീവിത ശൈലി പരിചയപ്പെട്ടപ്പോൾ

എഴുത്ത് മുന്നോട്ട് കൊണ്ടുപോകുന്നതിന് മുൻപ്, മനസ്സിൽ കയറിവന്ന ഒരു ഉൾക്കാഴ്ച് (insight) പറയേണ്ടിയിരിക്കുന്നു. ഈ എഴുത്തിന്റെ Vol 13ലെ '👆നായർമാരിൽ ചിലരിൽ കാണപ്പെട്ടിരുന്നു കളരി നൈപുണ്യത്തെക്കുറിച്ച്' എന്ന11ആം അദ്ധ്യായത്തിൽ മാപ്പിളമാരിൽ ഏതുവിധത്തിലാവാം കളരിയുടെ വേരുകൾ പടർന്നുപിടിച്ചത് എന്നതിനെക്കുറിച്ച് ചിന്തിച്ചിരുന്നു.

Badagaraയ്ക്ക് അടുത്തായുള്ള കോട്ടക്കലിലെ കുഞ്ഞാലിമരക്കാർ കുടുംബക്കാർ, അവർക്ക് Calicut രാജകുടുംബവുമായി ഉണ്ടായിരുന്ന അടുത്ത ബന്ധത്തിലൂടെ കളരി നൈപുണ്യം നേടിയിരുന്നിരിക്കാം എന്നും, അതു വഴി ഇത് മറ്റ് മാപ്പിളമാരിലേക്ക് പടർന്നുപിടിച്ചിരിക്കാം എന്നും കേട്ടകാര്യം പറഞ്ഞിരുന്നു. ഈ കാര്യം ഊഹിച്ചു പറഞ്ഞുതന്നത് മലബാറീ മുഹമ്മദീയനായ ഒരു വ്യക്തിയാണ്.

എന്നാൽ ഇപ്പോൾ മനസ്സിൽ കയറിയ ചിന്ത, വടക്കേ മലബാറിലേയും തെക്കേ മലബാറിലേയും നായർ കുടുംബക്കാർ ഇസ്ലാമിലേക്ക് ചേർന്നപ്പോൾ, കളരിയും അതുമായി ബന്ധപ്പെട്ട അനുഷ്ഠാനങ്ങളും മാപ്പിളമാരിലേക്കും പടർന്നുപിടിച്ചിരിക്കാം എന്നതാണ്. കളരിയുമായി ഇണചേർന്നു കിടക്കുന്ന പടകാളി മുറ്റവും, ചൂണ്ടുവിദ്യകളും മർമ്മചികിസ്തയും ഉഴിച്ചിലും മറ്റും, ചെറിയതോതിലുള്ള വകഭേദങ്ങളോടുകൂടി, മാപ്പിള കളരികളിലും കാണുന്നുണ്ട് എന്നാണ് തോന്നുന്നത്.

ഇനി എഴുത്തിന്റെ പാതയിലേക്ക് വീണ്ടും കയറാം.

ബ്രാഹ്മണർ അവരുടെ മതത്തിലേക്കോ അനുഷ്ഠാന ആചാരങ്ങളിലേക്കോ വേദപഠനത്തിലേക്കോ, മറ്റ് ജനവംശങ്ങളെ ക്ഷണിക്കുകയോ ചേർക്കുകയോ ചെയ്തില്ലാ എന്നുള്ളതാവാം പൊതുവായുള്ള വാസ്തവം. എന്നുവച്ചാൽ അവരുടെ മതവും ആദ്ധ്യാത്മികതയും അതുമായി ബന്ധപ്പെട്ടുകിടക്കുന്ന അതീന്ത്രിയ കഴിവുകൾ ഉണ്ട് എന്നു വിശ്വസിക്കപ്പെടുന്ന മന്ത്ര-തന്ത്ര സോഫ്ട്വേറുകളുടെ സാങ്കേതിക വിദ്യയും മറ്റും, മറ്റുള്ളവർക്ക് പങ്കിടാനോ പകർന്നുകൊടുക്കാനോ അവർ ഇഷ്ടപ്പെട്ടിരുന്നില്ല.

എന്നുവച്ചാൽ അവയെല്ലാം അവരുടെ ഒരു തരം വാണിജ്യ രഹസ്യവും തന്ത്രപ്രധാനമായ വിവരങ്ങളും, സാമൂഹികമായി മറ്റ് ജനവംശങ്ങളോടുള്ള സമരതന്ത്രവും കർമ്മകുശലതും, പ്രതിരോധത്തിനായും മറ്റുള്ളവരിൽ നിന്നും ബന്ധമറ്റു നിൽക്കാനും ഉള്ള അഴിക്കോട്ടയും മറ്റുമായി നൂറ്റാണ്ടുകളിലൂടെ നിലനിന്നിരുന്നു എന്ന് മനസ്സിലാക്കുന്നു.

ഈ വിധ വിവരങ്ങൾ ബ്രാഹ്മണർക്ക് എവിടെ നിന്നുമാണ് ലഭിച്ചത് എന്ന് അറിയില്ല. എന്നാൽ അവ കിട്ടിയപാടെ, അവർ അവയെ സ്വകാര്യ സ്വത്താക്കി മാറ്റിയെന്നുവേണം മനസ്സിലാക്കാൻ.

ഫ്യൂഡൽ ഭാഷക്കാരിൽ പൊതുവായി കാണപ്പെടുന്ന ഒരു സ്വഭാവ ഗുണംതന്നെയാണ് ഇത്.

Al-Biruni (Circa: 4 September 973 – 9 December 1048) എന്ന പേർഷ്യൻ പണ്ഡിതൻ ദക്ഷിണേഷ്യയിലെ വരേണ്യ വർഗ്ഗക്കാരിൽ ഈ വിധമായുള്ള ഒരു സ്വഭാവഗുണം ഉണ്ട് എന്നത് ഏതാണ്ട് 1000 വർഷങ്ങൾക്ക് മുൻപ് തന്നെ സ്ഥിരീകരിച്ചിരുന്നു.

ഇദ്ദേഹത്തിന്റെ വാക്കുകൾ നോക്കുക:

QUOTE 👉:

They (SouthAsians) are by nature miserly in sharing their knowledge, and they take the greatest of efforts to hide it from men of another caste among their own people, and also, of course, from foreigners. END OF QUOTE

ആശയം : അവർ അവരുടെ സഹജഗുണ പ്രകാരം, അവരുടെ അറിവുകൾ മറ്റുള്ളവർക്ക് പങ്കിടുന്ന കാര്യത്തിൽ വളരെ പിശുക്കന്മാരാണ്. അവരുടെ നാട്ടിലെ മറ്റ് ജാതിക്കാരിൽ നിന്നും മാത്രമല്ല, മറിച്ച് വിദേശീയരിൽനിന്നും അവ ഒളിപ്പിച്ചുവെക്കാൻ അവർ വളരെയധികം പ്രയത്നിക്കുക തന്നെ ചെയ്യും. END

ഇന്നും ഈ വിധം തന്നെയാണ് ദക്ഷിണേഷ്യക്കാരും മറ്റ് ഫ്യൂഡൽ ഭാഷാ ജനവംശങ്ങളും പെരുമാറുന്നത്.

ഏതാണ്ട് 1990കളിൽ കമ്പ്യൂട്ടറിനെക്കുറിച്ചും സോഫ്ട്വേറിനെക്കുറിച്ചും കാര്യമായി ഒന്നുംതന്നെ അറിവില്ലാതിരുന്ന ദക്ഷിണേഷ്യക്കാർക്ക് ഈ വിധ കാര്യങ്ങളെക്കുറിച്ച് വിവരം ഇങ്ഗ്ളിഷ് രാഷ്ട്രങ്ങൾ നൽകിയപ്പോൾ, അവ കൈവശപ്പെടുത്തുകയും, അവ സ്വകാര്യ സ്വത്താക്കുകയും മറ്റാർക്കും നൽകാതിരിക്കുകയും ചെയ്യുക എന്ന നയമാണ് ഇവർ പ്രകടിപ്പിച്ച സ്വഭാവ വൈശിഷ്ട്യം.

ഫ്യൂഡൽ ഭാഷക്കാർക്ക് ഈ വിധമേ പെരുമാറാൻ ആവുള്ളു.

ബ്രാഹ്മണരിൽ നിന്നും ഹൈന്ദവ സംസ്ക്കാര രഹസ്യങ്ങളും വേദപഠനവും മറ്റും കൈമോശം വന്നു. അവയെല്ലാം കൈവശപ്പെടുത്തുക ചെയ്ത മറ്റ് ജനവംശങ്ങൾ ഹൈന്ദവ ആദ്ധ്യാത്മിക പ്രസ്ഥാനങ്ങളിൽ നിന്നും ബ്രാഹ്മണരെ മെല്ലെ മെല്ലെ ഉന്തിപ്പുറത്താക്കുകയാണ് ചെയ്തത് എന്ന് പറയാമെന്ന് തോന്നുന്നു.

സംസ്കൃതം എന്ന അതികഠിനമായ ഫ്യൂഡൽ സ്വഭാവമുള്ള ഭാഷയുമായി കൂട്ടിക്കലർന്നാണ് ബ്രാഹ്മണ ആദ്ധ്യാത്മികത കിടക്കുന്നത് എന്ന് തോന്നുന്നു.

അതിനാൽ തന്നെ വ്യക്തിപരമായുള്ള മാഹാത്മ്യവും, മറ്റു പക്ഷക്കാരുടെ അധഃപ്പതനവും രൂപകൽപ്പന ചെയ്യുന്ന ഒരു ആദ്ധ്യാത്മികതയാവും ഹൈന്ദവ മതപ്രസ്ഥാനം എന്ന് തോന്നുന്നു. ഉദാഹരണത്തിന്, മഹാ ഗുരുവും കുറേ ശിക്ഷ്യന്മാരും, എന്നതു പോലെ.

എന്നുവച്ചാൽ ഗുരുവെന്ന आप्प വ്യക്തിയും तू എന്ന കുറെ കീഴ്വ്യക്തികളും. ഈ സാമൂഹിക രൂപകൽപ്പനയെക്കുറിച്ച് കുറച്ചുകാര്യങ്ങൾ പറയാൻ ആഗ്രഹം മനസ്സിൽ ഉണ്ട്. എന്നാൽ അതിലേക്ക് കടക്കുന്നില്ല.