Vol 15. മാപ്പിള ലഹളയെ വിശാലമായൊന്ന് നോക്കിയാൽ

Conrad Wood എന്ന, ഇങ്ഗ്ളണ്ടിൽ നിന്നും വന്ന, അവിടുള്ള ഇടുതപക്ഷ ചിന്താഗതിക്കാരനായ സാമൂഹിക ശാസ്ത്ര ഗവേഷകൻ എഴുതി, 1987ൽ പ്രസിദ്ധീകരിച്ച 'The Moplah Rebellion And Its Genesis' എന്ന ഗവേഷണ തീസിസ് വായിച്ചുകൊണ്ടിരിക്കുകയാണ്.

ഈ വ്യക്തി മാപ്പള ലഹളയെക്കുറിച്ച് എഴുതുമ്പോൾ, 'British colonialism'ത്തെ പഴിചാരാൻ ശ്രമിക്കുന്നതായി കാണുന്നുണ്ട് എങ്കിലും പലവിധ ആഴമേറിയ വിവരങ്ങൾ ഈ എഴുത്തുകാരന് ഈ പഠന റിപ്പർട്ടിൽ നിന്നും ലഭിക്കുന്നുണ്ട്.

ദക്ഷിണേഷ്യയിൽ സംഭവിക്കുന്ന എന്ത് സംഭവത്തിനേയും ആദ്യം തന്നെ ഫ്യൂഡൽ ഭാഷാ കോഡുകളിലൂടെ ഒന്ന് പരിശോധിക്കുന്ന ഒരു സ്വഭാവം ഈ എഴുത്തുകാരന് ഉണ്ട്. മുകളിൽ സൂചിപ്പിച്ച ഗ്രന്ഥത്തിൽ പറയുന്ന പല സംഭവ വികാസങ്ങളേയും ഈ വിധം തന്നെയൊന്ന് വീക്ഷിച്ചുകൊണ്ടാണ് കാര്യങ്ങളെ ഈ എഴുുത്തുകാരൻ മനസ്സിലാക്കാൻ ശ്രമിച്ചത്.

ദക്ഷിണ മലബാറിൽ ചിലയിടങ്ങളിൽ കീഴ്ജന മാപ്പിളമാരിൽ ചിലർ എന്തുകൊണ്ടാണ് സാമൂഹിക ആക്രമണങ്ങൾക്ക് മുതിർന്നത് എന്നതിനെ ഇങ്ഗ്ളിഷ് ഭരണം കണ്ടെത്താൻ നിരന്തരമായി ശ്രമിച്ചുകൊണ്ടിരുന്നു.

മുകളിൽ സൂചിപ്പിച്ച ഗവേഷകൻ പ്രദേശിക ഫ്യൂഡൽ ഭാഷയുടെ പ്രസക്തിയേക്കുറിച്ച് മനസ്സിലാക്കിയിരുന്നുവോ എന്ന് അറിയില്ല. ഇങ്ഗ്ളിഷ് ഭരണത്തിലെ ബൃട്ടിഷ് ഉദ്യോഗസ്ഥർക്കും ഈ കാര്യം എത്രമാത്രം മനസ്സിലായിരുന്നു എന്ന് അറിയില്ല. എന്നാൽ ചില സൂചനകൾ കാണുന്നുണ്ട്.

മമ്പ്രം തങ്ങൾ ആയിരുന്ന Syed Fazl കീഴ്ജന മാപ്പിളമാർക്ക് നൽകിയ ഉപദേശം ഒന്നുകൂടി വിശദ്ധീകരിക്കുകയാണ്. കീഴ്ജന മാപ്പിളമാർ നായർമാരെ 'ഇങ്ങൾ' എന്നോ 'നിങ്ങൾ' എന്നോ സംബോധന ചെയ്യണമെങ്കിൽ, നായർമാർ അവരേയും ഈ വിധം സംബോധന ചെയ്തിരിക്കേണം എന്നാണ് തങ്ങളുടെ ഉപദേശം.

ദക്ഷിണ മലബാറിൽ 'നിങ്ങൾ' എന്നും 'ഇങ്ങൾ' എന്നും ഉള്ള വാക്കുകൾ ഉണ്ടായിരുന്നുവോ എന്ന് അറിയില്ല. ഉത്തര മലബാറിലെ വാക്കുകളെ ഉപയോഗിച്ചുകൊണ്ടാണ് ഈ ഉപദേശത്തെ ഇവിടെ ഈ എഴുത്തിൽ വിശദ്ധീകരിക്കാൻ ശ്രമിക്കുന്നത്.

നിങ്ങൾ എന്ന വാക്കും ഇങ്ങൾ എന്ന വാക്കും യഥാർത്ഥത്തിൽ രണ്ട് വ്യത്യസ്ത നിലവാരങ്ങളിൽ ഉള്ള വാക്കുകൾ ആണ് എന്നും ഓർക്കുക.

Syed Fazl തങ്ങൾ ഈ വിധമായുള്ള ഒരു ഉപദേശം നൽകിയത് കീഴ്ജന മാപ്പിളമാരുടെ സാമൂഹിക അന്തസ്സ് വളർത്താൻ ആയിട്ടാവാം. എന്നാൽ ഈ വിധമായുള്ള ഒരു social engineering പദ്ധതിക്ക് പറ്റിയ ഭാഷകൾ അല്ല ഫ്യൂഡൽ ഭാഷകൾ.

കീഴ്ജന മാപ്പിളമാരോട് Syed Fazl തങ്ങൾ ഈ വിധമായുള്ള ഉന്നത നിലവാരത്തിൽ ഉള്ള വാക്കുകൾ ഉപയോഗിച്ചിരുന്നുവോ എന്ന് അറിയില്ല. ഉപയോഗിച്ചിരിക്കാൻ സാധ്യത ഇല്ലാ എന്നാണ് തോന്നുന്നത്. അവിടെ തന്നെ തങ്ങളുടെ ഉപദേശത്തിൽ പാളിച്ചവരുന്നുണ്ട് എന്നാണ് തോന്നുന്നത്.

പോരാത്തതിന്, കീഴ്ജന മാപ്പിളമാർ എന്ന കൂട്ടർ അന്ന് അവരുടെ കഠിനമായ അടിമത്തത്തിൽ നിന്നും മോചന നേടിയിട്ട് അധിക നാൾ ആയിട്ടുള്ളവർ അല്ല. അവർ ഉന്നത കുടുംബക്കാരായ മാപ്പിളമാരിൽ നിന്നും വ്യത്യസ്തർ തന്നെ.

QUOTE: As Conolly noted "The low Moplah, never over-courteous in his manner, is pleased at an order which brings (as he thinks) his superiors in rank and education to his own low level END OF QUOTE

ആശയം: പൊതുവേ തന്നെ കീഴ്ജന മാപ്പിളമാർ മര്യാദ, ബഹുമാനംനൽകൽ ആദരിക്കുക തുടങ്ങിയ കാര്യത്തിൽ വളരെ പിൻപന്തിയിൽ ഉള്ളവർ ആണ്. തന്നെക്കാൾ ഉന്നതരായ വ്യക്തികളെ തന്റെ അതേ കീഴ് നിലവാരത്തിലേക്ക് പിടിച്ചുതാഴ്ത്താൻ കിട്ടുന്ന ഒരു ഉപദേശവും അവസരവും വളരെ ആഹ്ളാദ പൂർവ്വമായാണ് അവർ ഏറ്റെടുത്തത്.

Syed Fazl തങ്ങൾ നൽകിയ ഉപദേശത്തിന്റെ പരിധികൾ വിട്ടുതന്നെയാണ് കീഴ്ജന മാപ്പിളമാർ പെരുമാറിയത് എന്ന് അനുമാനിക്കാം.

QUOTE: Another of the Tangal’s orders, that every Moplah should use the polite form of the second person when conversing with Nairs only when the latter used the same, was similarly exceeded. END OF QUOTE

എന്നുവച്ചാൽ, അവരോട് നിങ്ങൾ എന്ന് ഉപയോഗിച്ചാലും, അവർ തിരിച്ച് ഇഞ്ഞി/ ഇജ്ജ് ഉപയോഗിച്ചിരിക്കാം.

ചെറുമരെ പോലുള്ള അടിമ ജനത്തിന്, ഇങ്ഗ്ളിഷ് ഭരണകാലത്ത്, അവരുടെ ഭൂജന്മികളുടെ കീഴിൽ എത്രകാലം തന്നെ തൊഴിൽ ചെയ്താലും യാതോരു വ്യക്തിപരമായതോ, സാമ്പത്തികമായതോ സാമൂഹികമായതോ ആയ വളർച്ചയ്ക്ക് യാതോരു മാർഗ്ഗവും ഇല്ലായിരുന്നു. വളരെ തുച്ഛമായ കൂലിയാണ് ഇവർക്ക് ലഭിക്കുക.

അതേ സമയം മാപ്പിള കൂലിക്കാർക്ക് കൂടുതൽ മെച്ചപ്പെട്ട കൂലി ലഭിക്കുമായിരുന്നു.

ഇങ്ഗ്ളിഷ് ഭരണം നൽകിയ സാമൂഹിക അവസരം ഉപയോഗിച്ച്, ഈ കൂട്ടരിൽ പലരും ഇസ്ലാമിലേക്ക് മാറി. ഇതോടെ സാമൂഹികമായുള്ള പല പരാധീതനതളും ഇവരിൽ നിന്നും അകന്നുപോയി.

QUOTE: Of course it was open to any hindu wishing to mitigate the formidable array of sanctions he was subject to at the hands of the jenmi to do so by becoming a muslim.

In fact it was commonly observed by British administrators that considerable numbers of low-caste hindus were exploiting this opportunity. END OF QUOTE

എന്നിരുന്നാലും, പലപ്പോഴും നായർമാർ ഈ വിധം കയറൂരി നൽക്കുന്ന കീഴ്ജന വ്യക്തിയുടെ അന്തസ്സ് അംഗീകരിക്കാൻ തയ്യാറാവില്ലായിരുന്നു.

കീഴ്ജാതിക്കാരൻ മാപ്പിളയായി മാറിയാലും, അയാളെ അറപ്പോടുകൂടിയും ജാതീയമായ അകൽച്ചകളോടും കൂടി പെരുമാറുവാനും നായർമാർ മടികാണിക്കില്ല. ഇതിനാൽ തന്നെ സാമൂഹികമായി തമ്മിൽ ബന്ധപ്പെടുന്ന എല്ലാ ഇടങ്ങളിലും കീഴ്ജന മാപ്പിളമാരും നായർമാരും തമ്മിൽ വാക്കുകളിൽ എങ്കിലും ഏറ്റുമുട്ടൽ സംഭവിക്കും.

ഇവിടെ മനസ്സിലാക്കേണ്ടത്, നമ്പൂതിരി, അമ്പലവാസി, നായർ കുടുംബങ്ങളിലെ കുട്ടികളും സ്ത്രീ ജനങ്ങളും കീഴ്ജന വ്യക്തികളെ വാക്കുകളിൽ തരംതാഴ്ത്തിതന്നെയാണ് സംബോധനയും പരാമർശിക്കലും ചെയ്യുക. ഇതിന് നേരെ വിപരീതമായി, കീഴ്ജന മാപ്പിളമാർ ഈ കൂട്ടരിലെ പുരുഷന്മാരേയും സ്ത്രീകളേയും കുട്ടികളേയും വാക്കുകളിൽ തരംതാഴ്ത്തി തുടങ്ങിയിരിക്കും.

ഇവിടെ സാമൂഹം ഒരു ഉന്നത നിലവാരത്തിലേക്ക് നീങ്ങുകയല്ല ചെയ്യപ്പെടുന്നത്. മറിച്ച്, സമൂഹത്തിൽ ആകെ വെപ്രാളങ്ങളും പകയും ഒരു വിഷവായുപോലെ പടർന്നുകയറുകയാണ് ചെയ്യുക.

QUOTE: This is not to say that high-caste hindus always readily accepted the relaxation of caste restrictions the conversion of, say, a Cheruman to Islam was supposed to entail, and collisions between low-caste converts and Nairs were sometimes the result. END OF QUOTE.

എന്നാൽ വില്ല്യം ലോഗൻ രേഖപ്പെടുത്തിയിരിക്കുന്നത് നോക്കുക:

QUOTE: As Logan stated in 1887, in the event of a Cheruman convert being ‘"bullied or beaten the influence of the whole Muhammadan community comes to his aid” and that “with fanaticism still rampant the most powerful of landlords dares not to disregard the possible consequences of making a martyr of his slave”. END OF QUOTE

ആശയം : ഇസ്ലാമിലേക്ക് ചേർന്ന ചെറുമൻ ഉപദ്രവിക്കപ്പെടുകയോ, അടിക്കപ്പെടുകയോ ചെയ്യപ്പെട്ടാൽ, അവിടുള്ള മുഴുവൻ മുഹമ്മദീയ സമൂഹവും അയാളുടെ സഹായത്തിനായി എത്തും. ഈ വിധമായുള്ള വർഗ്ഗീയ ഉന്മത്തത പടർന്നു നിൽക്കുന്നതിനാൽ, തന്റെ അടിമയെ ഒരു രക്തസാക്ഷിയാക്കിയാൽ ഉളവാകുന്ന പ്രത്യാഘാതത്തെക്കുറിച്ച് ബോധവാനായിരിക്കുന്ന ഭൂജന്മി അതിന് മുതിരില്ല. END

ഇവിടെ പെട്ടെന്ന് കാണാനും തോന്നാന്നും പറ്റുന്നത് ഹിന്ദുക്കളും ഇസ്ലാം മതക്കാരും തമ്മിലുള്ള ഒരു പകയും വിദ്വേഷവും ആണ്. എന്നാൽ പ്രശ്നം ബ്രാഹ്മണ മത ആദ്ധ്യാത്മിക ഗ്രന്ഥങ്ങളോ, ഖുർറാനിലെ വചനങ്ങളോ അല്ലതന്നെ. മറിച്ച്, പ്രാദേശിക ഫ്യൂഡൽ ഭാഷയുടെ പിടിവലികൾക്കുള്ളിൽ അകപ്പെട്ടുപോയ പല മനുഷ്യ സമൂഹങ്ങളുടെ മാനസിക വെപ്രാളങ്ങളാണ്.

കീഴ്ജന മാപ്പിളമാർ ഇസ്ലാം മതക്കാർ ആണ് എന്ന് അവർക്ക് തോന്നാമെങ്കിലും, അവർ യഥാർത്ഥത്തിൽ ഇസ്ലാം മതക്കാർ അല്ലായിരുന്നു എന്നതും വാസ്തവം തന്നെ. ഇതുമായി ബന്ധപ്പെട്ട കൂടുതൽ കാര്യങ്ങൾ അടുത്ത എഴുത്തിൽ പറയാം എന്നു കരുതുന്നു.