മാപ്പിള ലഹളയെക്കുറിച്ചുള്ള എഴുത്ത് ഈ അദ്ധ്യായത്തോടുകൂടി ഉപസംഹരിക്കാൻ ഉദ്ദേശിച്ചതായിരുന്നു. എന്നാൽ, കാര്യങ്ങൾ James Web telescopeലൂടെ പ്രപഞ്ചത്തെ നോക്കുന്നതുപോലെയാണ്. ഓരോ സൂക്ഷ്മ ബിന്ദുവിലും കണ്ണുകൾ പതിപ്പിക്കുമ്പോൾ, അവിടം ആഴത്തിലേക്ക് നീങ്ങുകയും വികസിക്കുകയും ചെയ്യുന്നു.

അതിനാൽ തന്നെ, മാപ്പിള ലഹളയുടെ ചരിത്രപരമായ പിന്നാമ്പുറത്തെക്കുറിച്ചുള്ള എഴുത്ത് ഈ അദ്ധ്യായത്തോടുകൂടി അവസാനിപ്പിക്കാൻ ആവും എന്നുള്ള തോന്നൽ, മനസ്സിൽ നിന്നും അകലുകയാണ്.

മലബറിൽ ഇങ്ഗ്ളിഷ് കമ്പനി സ്ഥാപിതമായതോടുകൂടി, സാമൂഹിക ഘടനയിൽ അതിഗംഭീരമായ മാറ്റങ്ങൾ സംഭവിച്ചുകൊണ്ടിരുന്നു. രണ്ട് മലബാറുകൾ ഒന്നിച്ചു ചേർന്നു. നമ്പൂതിരിമാർ എന്ന അന്നത്തെ IAS / IPS കാരുടെ നിയമപരമായുള്ള അധികാരങ്ങൾ അപ്രത്യക്ഷമായി. രാജകുടുംബക്കാരും നിഷ്പ്രഭരായി.

അന്നത്തെ പോലീസ് ശിപായി സ്ഥാനക്കാരായ നായർമാർക്കും അവരുടെ അന്നത്തെ IAS / IPSകാരെ നഷ്ടമായി. പോരാത്തതിന്, അവരുടെ നിയമപരമായുള്ള അധികാരങ്ങളും നഷ്ടമായി.

വംശീയമായി ഉത്തര മലബാറിലേയും ദക്ഷിണ മലബാറിലേയും നായർമാരിലെ വേർതിരിവ് നിലനിർത്താൻ പറ്റാത്ത അവസ്ഥ വന്നിരിക്കാം.

വ്യത്യസ്ത വംശീയരായ വടക്കൻ തീയരും തെക്കൻ തീയരും തമ്മിലുള്ളതും നിലനിന്ന വേലിക്കെട്ട് മാഞ്ഞുതുടങ്ങി.

പോരാത്തതിന്, തിരുവിതാംകൂറിൽനിന്നും സർക്കാർ തൊഴിൽ അന്വേഷിച്ചുകൊണ്ട് സുറിയാനി ക്രസ്ത്യാനികളും സാമൂഹിക സ്വാതന്ത്ര്യവും ഭൂസ്വത്ത് അവകാശവും അന്വേഷിച്ചുകൊണ്ട് കീഴ്ജന ക്രിസ്തായനികളും മലബറിൽ കുടിയേറിത്തുടങ്ങി.

തിരുവിതാംകൂറിൽ നിന്നും ഈഴവർ മലബാറിലേക്ക് കടക്കുകയും തീയർ എന്ന മേൽവിലാസം ഏറ്റെടുക്കുകയും ചെയ്തുതുടങ്ങി. ഇത് വടക്കേ മലബാറിൽ ചിലയിടങ്ങളിൽ തീയർ ഈഴവരെ തങ്ങളുടെ ഇടങ്ങളിൽനിന്നും അകറ്റാനായുള്ള ചില ഏർപ്പാടുകൾ ചെയ്തെന്നു തോന്നുന്നു. എന്നാൽ, തീയരിലെ കാർഷിക തൊഴിലാളികളും ഈഴവരും പലയിടങ്ങളിൽ ഒന്നിച്ചു പ്രവർത്തിച്ച്, തമ്മിൽ കലർന്നിരുന്നു എന്ന് തോന്നുന്നു.

ഇങ്ഗ്ളിഷ് കമ്പനീ ഭരണം നാട്ടിൽ പലവിധ സർക്കാർ സംവിധനങ്ങളും സൃഷിച്ചു. ലിഖിത നിയവും കോടതികളും നിലവിൽ വരുത്തി.

യാതോരു ജാതീയമായ പരിഗണനയും നൽകാതെ ഇങ്ഗ്ളിഷ് വിദ്യാഭ്യാസം Tellicherry പോലുള്ള ഇടങ്ങളിൽ നടപ്പിൽ വരുത്തിത്തുടങ്ങി.

ഇതൊക്കെ സംഭവിച്ചെങ്കിലും, മലബാറിലെ സാമൂഹിക ഘടന പലയിടത്തും ഉരുക്കിൽ രൂപകൽപ്പന ചെയ്തതുപോലെ അനങ്ങാപാറ മാതിരിയായി നിലനിന്നു.

പ്രാദേശിക ഫ്യൂഡൽ ഭാഷയിലെ ഉച്ചനീചത്വത്തിൽ യാതോരു മാറ്റവും വന്നില്ല. എന്നുവച്ചാൽ, ആളുകളിലും ജനവംശങ്ങളിലും ഉയർച്ചത്താഴ്ചകളിൽ മാറ്റം വന്നിട്ടുള്ളയിടത്തുപോലും, സാമൂഹിക ഘടനയിലെ ഉച്ചനീചത്വത്തിൽ മാറ്റം വന്നില്ല. സാമൂഹിക സ്ഥാനങ്ങളിൽ വ്യക്തികൾ മാറിയെന്നുമാത്രം.

ഇങ്ഗ്ളിഷ് ഭരണത്തിന് ഈ കാര്യത്തെ മനസ്സിലാക്കാൻ പറ്റിയില്ല. കാരണം, അവരുടെ നാട്ടിലും പ്രഭത്വം ഉണ്ട്. രാജവംശം ഉണ്ട്. എന്നാൽ, സാധരാണക്കാരിൽ യാതോരു വിധ വ്യക്തിത്വ മേദക്ഷയം കാണപ്പെട്ടിരുന്നില്ല.

എന്നാൽ മലബാർ ജില്ലയിൽ, സാമൂഹികമായി എന്തോ കഠിനമായ വ്യത്യാസം അവർ കണ്ടറിഞ്ഞു. ഭൂജന്മിയുടെ അടിയിൽ നിന്നുകൊണ്ട് കൃഷി ഭൂമി പാട്ടത്തിന് എടുത്ത് കൃഷിചെയ്യുന്ന കർഷകരിൽ പലവിധ സാമൂഹിക വ്യക്തിത്വം ദ്രവിക്കലും വളരെ വ്യക്തമായി കാണപ്പെട്ടിരുന്നു. പോരാത്തതിന്, വേറെയും പലവിധ സങ്കീർണ്ണമായ കുഴഞ്ഞുമറഞ്ഞുള്ള കെട്ടുകളും പിടിവലികളും തമ്മിൽ കുത്തലും മറ്റും കാണാൻ പറ്റിയിരുന്നു. പോരാത്തതിന്, എല്ലായിടത്തും അടിമകളും മറ്റും.

ഇതിനെല്ലാം കാരണം ജാതി എന്ന സംഗതിയുടെ അസ്തിത്വം ആണ് എന്നാണ് അവർ ധരിച്ചിരുന്നത്. അതിനാൽ തന്നെ ജാതീയമായ അതിരുകൾ മാറ്റാനായി അവർ പരിശ്രമിച്ചിരിക്കാം.

എന്നാൽ ഇതായിരുന്നില്ല ഇതിന്‍റെയല്ലാം പിന്നിൽ നിലനിന്നിരുന്ന വ്യക്തമായ കാരണം. മലബാറിലേയും, പോരാത്തതിന് ദക്ഷിണേഷ്യയിലേയും സാമൂഹിക വ്യവസ്ഥിതിയിൽ അന്തർലീനമായി നിലനിന്ന ദുഷ്ടതയുടെ വ്യക്തമായ കാരണം മറ്റൊന്നായിരുന്നു.

ഈ കാര്യം വളരെ വ്യക്തമായി അടുത്ത എഴുത്തിൽ പ്രതിപാദിക്കാം.

മലബാറിലെ സമൂഹത്തിൽ അന്നത്തെ IAS / IPS നിലവാരത്തിൽ നിലനിന്ന നമ്പൂതിരിമാരുടെ കീഴിൽ വിധേയത്തം നിലനിർത്തിയവരെ മൊത്തമായി നമ്പൂതിരിമാരുടെ മതമായ ഹിന്ദുമതത്തിൽ ചേർത്താണ് ഇങ്ഗ്ളിഷ് ഭരണം ആളുകളെ നിവ്വചിച്ചത്. ഇത് ഒരു വൻ അബദ്ധമായിരുന്നു. അതിലേക്ക് ഇപ്പോൾ കടക്കുന്നില്ല.

കുറച്ചുകാര്യങ്ങൾ നേരത്തെ പറഞ്ഞുകഴിഞ്ഞതാണ്.

രാജകുടുംബക്കാർ നമ്പൂതിരി കുടുംബങ്ങളുമായി രമ്യതയിൽ തന്നെ നിലിന്നിരിക്കാം.

മലബാറിൽ ഇതേ അവസരത്തിൽ നമ്പൂതിരി (അന്നത്തെ IAS / IPS) മാരുടെ കീഴിൽ പെടാത്ത മാപ്പിള കുടുംബക്കാരും ഉണ്ടായിരുന്നു. ഇത് ഒരു പരിധിവരെ സാമൂഹിക അനുസരണ കണ്ണികളിൽ ഒരു അങ്കലാപ്പ് സൃഷ്ടിക്കേണ്ടതായിരുന്നു.

എന്നാൽ, ഉന്നത മാപ്പിള കുടുംബക്കാർ നമ്പൂതിരി കുടുംബങ്ങളോട് സാമൂഹിക ഉന്നതങ്ങളിൽ രമ്യതയിൽ നിന്നിരിക്കാം. മലബാറിൽ അന്ന് 29 രാജ്യങ്ങൾ ഉണ്ടായിരുന്നു എന്ന കാര്യം ഓർക്കേണം. ഇതുമായി ബന്ധപ്പെട്ട ചില കുഴഞ്ഞുകിടിക്കുന്ന സംഗതികളിലേക്ക് പോകുന്നില്ല.

അന്ന് ജനാധിപത്യം എന്ന വിഡ്ഢി ആശയത്തെ ഇങ്ഗ്ളിഷ് കമ്പനീ ഭരണം ഇവിടേക്ക് ഇറക്കുമതിചെയ്തിട്ടില്ലായിരുന്നു.

സമൂഹത്തിലെ കീഴ്ജനങ്ങൾ കീഴ്ജനങ്ങളായി നിലനിന്നു. അതിനാൽ തന്നെ സാമൂഹിക ഘടനയിൽ കാര്യമായ പൊട്ടിത്തെറികളും അഗ്നി പർവ്വത സ്ഫോടനങ്ങളും ഇല്ലതന്നെ.

അടിമകളെ സ്വതന്ത്രരാക്കാനുള്ള ഇങ്ഗ്ളിഷ് കമ്പനിയുടെ പദ്ധികളോട് പല അടിമകളും സഹകരിച്ചിരിക്കില്ല. കാരണം, ഇന്നത്തെ കേരളത്തിലെ തൊഴിലാളി വർഗ്ഗത്തെ പോലെയായിരുന്നിരിക്കാം അവരും. അവർക്ക് വ്യക്തമായി വിധേയത്തം ഉള്ള അവരുടെ സാമൂഹികവും രാഷ്ട്രീയവും ആയുള്ള നേതാക്കളെ മുകലിൽ നിലനിർത്തി ജീവിക്കുന്നതിൽ തന്നെയാണ് അവരുടെ ജീവിത സാഫല്യം അവർ കണ്ടെത്തുക.

എന്നാൽ തെക്കൻ മലബാറിലെ രണ്ട് താലൂക്കുകളിൽ ഒരു വൻ പ്രശ്നം യാഥൃശ്ചികമായി ഉയർന്നുവന്നു. അവിടെ ചില ഇസ്ലാമിക തങ്ങൾമാർ കീഴ്ജനത്തിനെ ഇസ്ലാമിലേക്ക് പരിവർത്തനം ചെയ്തു. അവർക്ക് അദ്ധ്യാത്മികമായ ചില വിവരങ്ങൾ നിൽകിയതോടൊപ്പംതന്നെ, ഫ്യൂഡൽ ഭാഷയിലെ അനുസരണ - വിധേയത്വ വാക്ക് കോഡുകൾക്ക് വിപരീതമായുള്ള വാക്കുകൾ അവരുടെ സാമൂഹിക ഉന്നതരോട് ഉപയോഗിക്കാൻ അവർക്ക് ആഹ്വനവും നൽകി.

ഇതോടുകൂടി, അവിടുത്തെ സാമൂഹികാന്തരീക്ഷം ഒരു ഉറങ്ങിക്കിടക്കുന്ന അഗ്നിപർവ്വതം പോലെയായി. എപ്പോൾ വേണമെങ്കിലും പൊട്ടിത്തെറിക്കാം.

ഈ മുകളിൽ പറഞ്ഞ കാര്യങ്ങളിൽ മൈസൂർ രാജ്യത്തിൽ നിന്നും ആക്രമിച്ചു കയറിയ ഹൈഡ്രലിയുടേയും ടിപ്പു സുൽത്താന്‍റേയും കാര്യങ്ങൾ പറഞ്ഞിട്ടില്ല. അതും മറ്റൊരു സങ്കീർണ്ണതയായിരുന്നു.

എന്നാൽ ഇവിടെ പറയാനുള്ളത്, ഈ മുകളിൽ പറഞ്ഞ മിക്കവാറും കാര്യങ്ങൾ വളരെ വിശദ്ധമായി നേരത്തെ എഴുതിയിരുന്നു എന്നതാണ്.

ഇനി, ചില കാര്യങ്ങൾ വളരെ വ്യക്തമായി എടുത്തു പറയേണ്ടിയിരിക്കുന്നു.

അതിൽ ആദ്യത്തേത് ഈ ഉപദ്വീപിലെ സാമൂഹിക ഘടനയിലെ അദൃശ്യമായ ചില കാര്യങ്ങൾ ആണ്. അടുത്ത എഴുത്തിൽ ആവാം അത്.

1. ഇരുപക്ഷത്തും തീകൊളുത്തി

2. ഹിന്ദി ഇംപീരിയലിസത്തിന്

3. എഴുത്തിന്‍റെ ഒഴുക്കിലേക്ക്

4. ഹിന്ദുക്കളും ഇസ്ലാം മതവിശ്വാസികളും

5. പൊതുശത്രുവിനെ കാണിച്ചുകൊടുക്കാൻ

6. സമൂഹത്തിൽ സ്ഫോടനാത്മകമായ

7. പരസ്പരവിരുദ്ധങ്ങളായ

8. ഇങ്ഗ്ളിഷ് കമ്പനി, ഭരണം

9. ഏതോ ഒരു അസഹനീയമായ